రొటీన్ కి భిన్నంగా నేచురాలిటీకి దగ్గరగా మన ముందుకు వచ్చిన “గ్రౌండ్” మూవీ రివ్యూ

ఈవారం విడుదలవుతున్న సినిమాలు తో పాటు ఒక చిన్న సినిమా కానీ మంచి సినిమా మన ముందుకు వచ్చింది. సాఫ్ట్ వేర్ ఎంప్లాయ్ అయినా సినిమా మీద పాషన్ తో సూరజ్ తానే నిర్మాత దర్శకుడిగా వ్యవహరిస్తూ గ్రౌండ్ సినిమా నిర్మించారు. ఈ సినిమాకి పని చేసిన వాళ్ల నుంచి నటించిన వాళ్ల వరకు అందరూ కొత్తవాళ్లే. ఆదివారం వస్తే చాలు గల్లీ క్రికెట్ ఆడే వాళ్ళందరికీ ఈ సినిమా నచ్చుతుంది. ఒకే రోజు ఒకే గ్రౌండ్ లో జరిగిన సంఘటనలని మన కళ్ళముందే జరిగినంత న్యాచురల్ గా చిత్రీకరించారు. ఇందులో నటించిన ప్రతి క్యారెక్టర్ కి ప్రాముఖ్యత ఉంది.

కథ విషయానికొస్తే :
తెలుగు సినిమా రొటీన్ కి భిన్నంగా చాలా న్యాచురల్ గా ఉంటుంది గ్రౌండ్ సినిమా. ఆదివారం వస్తే గల్లీ గ్రౌండ్లో క్రికెట్ ఆడుకునే కుర్రాళ్ళు కథ. అలా ఒక ఆదివారం గ్రౌండ్లో ఆడుకుంటూ ఉన్న కుర్రాళ్ళకి అక్కడే ఆడుతున్న వేరే గ్రూప్ తో ఎదురైన సమస్యని ఎలా ఎదుర్కొన్నారు అనేది కథ. మన చుట్టుపక్కల వినిపించే కామన్ శబ్దాలనే మ్యూజిక్ బ్యాగ్రౌండ్ గా తీసుకున్నారు. నాచురల్ లైట్ లో మన కళ్ళు ఎదురకుండా జరుగుతున్నట్టుగా నాచురల్ గా చిత్రీకరించారు.

ఎవరు ఎలా చేశారంటే :
క్రికెట్ టీం కెప్టెన్ గా హీరో గా హరి అలాగే అతని ఫ్రెండ్స్ గ్యాంగ్ కొత్త వాళ్ళైనా కూడా చాలా బాగా నటించారు. హీరోయిన్గా తేజస్విని నటన బాగుంది. ఎక్స్ప్రెషన్స్ చాలా బాగా ఇచ్చింది. తన ఫ్రెండ్ క్యారెక్టర్ గా చేసిన దుర్గా నటన బాగుంది. చెల్లి క్యారెక్టర్ లో చేసిన ప్రీతి (చిన్ను) క్యారెక్టర్లు ఆ గ్యాంగ్ అందరిని ఆటపట్టించే క్యారెక్టర్ లో చాలా బాగా నటించింది. హీరో ఫ్రెండ్ క్యారెక్టర్ లో నాగరాజు నటన బావుంది.

టెక్నీషియన్ వర్క్స్ :
నిర్మాతగా దర్శకుడుగా వ్యవహరిస్తూ సూరజ్ మొట్టమొదటి సినిమా అయినా గ్రౌండ్ సినిమాని కొత్తగా చిత్రీకరించాడు. చిన్న కథ అయినా రొటీన్ కి భిన్నంగా నేచురల్ గా తీశాడు. మ్యూజిక్ కూడా నేచురల్ గా దగ్గరగా ఉండేలాగా చూసుకున్నాడు. భాస్కర్ అందించిన మ్యూజిక్ బాగుంది. విజయ్ గట్టు అందించిన కథ బాగుంది. జహీర్ భాషా సినిమాటోగ్రఫీ, ఎడిటింగ్ వర్క్ పనితీరు బాగున్నాయి.

పాజిటివ్స్ :
-తక్కువనిడివి
-ప్రతి పాత్రకి ప్రాముఖ్యత ఉంటుంది
-కొత్త వాళ్ళైనా కొత్తదనంగా రొటీన్ కి భిన్నంగా చిత్రీకరించారు

నెగిటివ్స్ :
-అక్కడక్కడ కొంచెం లాగ్ సీన్స్ ఉండడం

ఓవరాల్ గా యూత్ కి, గల్లీ క్రికెటర్స్ కి నచ్చే ఒక మంచి సినిమా

మామూవీ.కామ్ రివ్యూ అండ్ రేటింగ్ : 3.25/5