‘శబరి’ మూవీ ఓటీటీ రివ్యూ
వెర్సటైల్ యాక్ట్రెస్ వరలక్ష్మీ శరత్ కుమార్ తన తొలి ఫిమేల్ ఓరియెంటెడ్ చిత్రంగా నటించిన ‘శబరి’. మహేంద్రనాథ్ కూండ్ల సమర్పణలో ‘మహా మూవీస్’ బ్యానర్‌పై నిర్మితమైన ఈ చిత్రాన్ని అనిల్ కాట్జ్ తెరకెక్కించారు. తెలుగు, తమిళం, కన్నడ, మలయాళం, హిందీ భాషల్లో పాన్-ఇండియా స్థాయిలో రూపొందిన ఈ సైకలాజికల్ థ్రిల్లర్, థియేటర్లలో మంచి స్పందన పొందిన తర్వాత ఇప్పుడు ‘సన్ నెక్స్ట్’ ఓటీటీలో అందుబాటులోకి వచ్చింది.
కథ: సంజన (వరలక్ష్మీ శరత్ కుమార్) ఒక సింగిల్ మదర్. ఆమె పెద్దల అంగీకారంతో అరవింద్ (గణేష్ వెంకట్రామన్)తో ప్రేమించి పెళ్లి చేసుకుంటుంది, కానీ అతను మరొక అమ్మాయితో సంబంధం పెట్టుకోవడంతో ఆమె జీవితంలో పెద్ద మార్పు వస్తుంది. కూతురు రియాను (బేబీ నివేక్ష) తీసుకొని వేరే ఊర్లో స్థిరపడిన సంజనకు, సూర్య (మైమ్ గోపీ) అనే మానసిక రోగి బెదిరింపులు సృష్టిస్తాడు. ఈ క్రమంలో ఆమెను రక్షించడానికి రాహుల్ (శశాంక్) సహాయం చేస్తాడు. సూర్య ఎందుకు ఆమెను చంపాలని చూస్తున్నాడు? సంజన గతం ఏమిటి? అనేది కథలోని సస్పెన్స్.
విశ్లేషణ: దర్శకుడు అనిల్ కాట్జ్, వరలక్ష్మీని ప్రధాన పాత్రలో చూపిస్తూ సైకలాజికల్ థ్రిల్లర్‌ని తెరపై ఉంచడం మంచి నిర్ణయం. వరలక్ష్మీకి ప్రత్యేకమైన అభిమాన వర్గం ఉండటంతో, ఈ కథ ప్రేక్షకులందరికీ చేరుకోవడంలో సక్సెస్ అయింది. ఫస్ట్ హాఫ్ చాలా వేగంగా సాగిపోతుంది, ముఖ్యంగా వరలక్ష్మీ మరియు మైమ్ గోపీ మధ్య సన్నివేశాలు ప్రేక్షకులను ఉత్కంఠకు గురిచేస్తాయి. కథ అంతా నైపుణ్యం తో రాసుకొని, ప్రీ-ఇంటర్వెల్ నుండి మరింత ఉత్సాహంగా సాగుతుంది. క్లైమాక్స్‌లో వచ్చే ట్విస్ట్, వరలక్ష్మీ యాక్షన్ సీన్లు సినిమాకి ప్రధాన ఆకర్షణగా నిలుస్తాయి.
గోపీ సుందర్ అందించిన బ్యాక్‌గ్రౌండ్ స్కోర్ మరియు పాటలు చిత్రానికి చాలా ప్లస్ పాయింట్లుగా నిలుస్తాయి. సినిమాటోగ్రఫీ బాధ్యత వహించిన రాహుల్ శ్రీవాత్సవ, నాని చమిడి శెట్టి..ల పనితనం ప్రతి సన్నివేశంలోనూ గొప్పగా కనిపిస్తుంది. ముఖ్యంగా మైమ్ గోపి విలన్‌గా తన ప్రతిభను చూపించి, సినిమాలో ప్రధాన పాయింట్‌గా నిలిచాడు.
నటీనటులు: సంజన పాత్రలో వరలక్ష్మీ శరత్ కుమార్ తన కెరీర్‌లో ఒక విభిన్న పాత్ర పోషించారు. సింగిల్ మదర్ పాత్రలో ఆమె చూపిన నేచురల్ పెర్ఫార్మెన్స్ ఎంతో ఇంపాక్ట్ చేస్తుంది. మైమ్ గోపి తన విలన్ పాత్రలో మరింత గంభీరంగా నటించి, ప్రేక్షకులను ఆకట్టుకుంటాడు. శశాంక్ సహా మిగతా నటీనటులు కూడా తమ పాత్రలకు న్యాయం చేశారు.
చివరి మాట: ‘శబరి’ అనేది ఆద్యంతం ఉత్కంఠను కలిగించే సైకలాజికల్ థ్రిల్లర్. ఫ్యామిలీ ఆడియన్స్ కూడా సురక్షితంగా ఈ సినిమాను ఆస్వాదించవచ్చు. థియేటర్లలో ఈ చిత్రాన్ని మిస్ అయిన వారు, సన్ నెక్స్ట్‌లో తప్పక చూడాల్సిన సినిమా ఇది.
maamovie.com
రేటింగ్: 4/5
